Archive for the ‘Երեւան’ Category
Շքերթ, զորահանդես /// Armenian Army
Այսօր զորահանդես էր նվիրված անկախության 20 ամյակին: Առավոտյան հրապարակը ու հարակից փողոցները լեփ լեցուն էին, մարդիկ ոգեւորված իրենց երեխաներին ուսերին դրած սպասում էին արարողությանը: Հրապարակում հնարավոր չէր տեղ գտնել կանգնելու, Տիգրան Մեծի փողոցում մի կերպ տեղավորվեցինք, չնայած նկարելու համար հարմար չէր:
Ժամը տասն է: Ոստիկանները շտապում են հեռացնել իրենց մեքենաները, որպեսզի զինվորական շքերթի համար տեղ ազատեն: Սակայն մեքենաներից մեկը փչացել է, մյուսը շտապում է օգնության, ՚«պրիկուրիտ» անելու:
Սկզբում անցնում են տարբեր զորատեսակների խմբեր: Ու…հոգեւորականներ…Թե ինչ են նրանք բանակում, անհասկանալի է: Անկախ Հայաստանում այդպես էլ չգտնելով իրենց տեղը, փորձում են բանակում ինչոր օգտակար գործ անել:
Եկեղեցիական քաջերից հետո գալիս է տեխնիկան: Զարմանքով ականատես եղան աղջիկ պուլիմոտչիկների հայտնությանը:
Թեթեւ տեխնիկային հաջորդւոմ է հայկական ռազմաարդյունաբերական համալիրի պարծանքը՝ անօդաչու օդանավը: Նայելով պարծանքին հիշեցի մանկոթյան տարիներին իմ սարքած ավիամոդելները:
Հաջորդը հրթիռային տեխնիկան է: Մեզ համոզում են թե ժամանակակից տեխնիկա ունենք, բայց այս հրթիռները ինձ հիշեցնում են 50 ական թվականների հանրահայտ հրթիռները, որոնցով ԽՍՀՄ հակաօդային պաշտպանությունը խփել էր ամերիկյան հետախույզ օդանավը գերելով օդաչուին:
Հաջորդը հանրահայտ ՍԿԱՏ-ներն են: Այս հրթիռները հանրահայտ են նրանով, որ ժամանակին Սադամ Հուսեյինը մի քանի հատ արձակեց Իսրաելի վրա, որի արդյունքում Իսրաելում զոհվեց 2 քաղաքացի:
Եվ վերջապես հայտնվում են հանրահայտ C-300 հակաօդային պաշտպանության հրթիռային համակարգերը:
C-300 ի վարորդը ոգեւորված էր, եւ բազմության մոտով անցնելից այնպես գազը սեղմեց, որ բոլորը հասկացան թե ինչպիսի հզոր զենքի ենք մենք տիրապետում:
//
Երեւանյան շատրվաններ /// Yerevan fountains
Վերջերս երեկոյան հրապարակում էի եւ զարմանալի գեղեցիկ շատրվաններ տեսա:
…
…
… այսքանը:
Դեսից-դենից 