Դեսից-դենից

..նոթատետր..

Կարիերայի համար 10 ամենակործանարար սխալները

leave a comment »


Forbes 168 ԺԱՄ Մայիս 26 2013

Ամերիկյան Forbes պարբերականի փոխանցմամբ` Նյու Յորքում գործող Տաղանդավոր նորարարությունների աջակցության կենտրոնի (CTI) հիմնադիր և նախագահ, տնտեսագետ Սիլվիա էնն Հյուլետը հարցնում է, թե ինչպես կարելի է աշխարհին հայտնել, որ դուք իրական առաջնորդ եք: Դրան նա պատասխանում է հետևյալ կերպ. «Ոչինչ չի կարող օգնել մարդուն դառնալ առաջնորդ, եթե նա շրջապատին չի հաղորդում դրական ազդանշաններ»: CTI-ն մեկ տարվա ընթացքում հետազոտություն է իրականացրել բարձրագույն կրթությամբ 4000 ամերիկացի մասնագետների և վերին օղակի 268 ղեկավարների շրջանում, որի արդյունքներով պարզել է, որ կարիերայի աստիճաններով մասնագետի վեր բարձրանալու գլխավոր որակը շրջապատին այն բանի ներշնչելն է, որ հենց նա է հանդիսանում անխոս առաջատար: Սակայն ծանրակշիռ լինելու, հիանալի հաղորդակցության ունակությունների և անթերի արտաքինի համակցումն ավտոմատ միավորներ չի բերում մարդուն, եթե նա սխալներ է թույլ տալիս գործընկերների հետ շփվելիս: Մեկ սխալ և ղեկավարությունն արդեն իսկ կարող է մտավոր նրան հանել նոր պաշտոնի ենթադրյալ թեկնածուների ցանկից: CTI-ի հետազոտությունն ընդգծել է այն 10 առավել լուրջ սխալները, որոնք կատարվում են գրասենյակում շփման ժամանակ և կործանում են կարիերայի առաջընթաց ունենալու հույսերը:

1. Ռասիզմ և սեքսիզմ – Հարցմանը մասնակից բոլոր ղեկավարների 72 տոկոսը տղամարդկանց կողմից գրասենյակում գործած ամենակոշտ սխալ է համարել ռասիստական հայտարարությունները, իսկ 70 տոկոսն էլ որպես այդպիսին է անվանել կանանց հանդեպ տղամարդկանց սեքսիստական արտահայտությունները: Հետազոտողների կարծիքով` դրանով իսկ ի ցույց է դրվում նեղ մտածելակերպ և հուզական գթասրտության ցածր մակարդակ ունենալը:

2. Անպարկեշտ կատակներ – Ոչ տեղին կատակները մարդկանց դնում են անհարմար իրավիճակում և ի ցույց են դնում խոսողի անկարողությունը` ճիշտ գնահատել իր լսարանն ու շրջապատը: Միևնույն ժամանակ ղեկավարների 61 տոկոսը կարծում է, որ մյուսների տրամադրությունը գնահատելու և դրան համապատասխան սեփական արտահայտություններն արդյունավետ ուղղորդելու կարողությունն առավել կարևոր ունակություններից մեկն է, որն անհրաժեշտ է աշխատանքում առաջընթաց ունենալու համար:

3. Արտասվել – Աշխատավայրում արցունքները (կարևոր չէ` արդյոք դրանց պատճառն էակա՞ն է, թե՞ ոչ) վնասում են առաջնորդի կերպարին, հատկապես եթե խոսքը գնում է տղամարդու մասին: Ղեկավարների 59 տոկոսը կարծում է, որ կանացի արտասուքները թողնում են վատ տպավորություն, իսկ 63 տոկոսը կարծում է, որ արտասվելը գրասենյակային աշխատողների գործած կոպտագույն սխալներից մեկն է: Դուք պետք է կարողանաք վերահսկել ձեր զգացմունքները:

4. Անբարեկիրթ խոսել – Ղեկավարները պնդում են, որ առաջնորդներին անհրաժեշտ է ցուցաբերել ծանրակշռություն, պրագմատիզմ ու ինտելեկտուալ հզորություն: Հենց այդ պատճառով էլ ոչ կիրթ խոսքն անմիջապես խաթարում է առաջընթաց ունենալու հնարավորությունները: IT մենեջերներից մեկը հետազոտողներին հայտնել է. «Ես տեսել եմ պետերի, որոնք առաջին հայացքից թվում են կոմպետենտ, բայց հենց նրանք բացում են բերանը և սկսում են խոսել ինչպես խեղկատակ, ապա այդ տպավորությունն ակնթարթորեն չքանում է»:

5. Հայհոյանքներն ընկալվում են որպես սխալ` անկախ խոսողի սեռից: Այդպիսի պահվածքը ղեկավարի համար սովորաբար համարվում է ոչ պրոֆեսիոնալ և անպատշաճ: Հետաքրքիր է, որ դա նաև կոպտագույն սխալ է, որը թույլ է տրվում համացանցում, որն ինքնին հանդիսանում է հաղորդակցային ականապատ դաշտ: Հարցման մասնակիցները հաղորդակցային երեք գլխավոր սխալներ են անվանել համացանցում իրենց գործընկերների մասին անվայելուչ հաղորդագրությունների տեղադրումը, ոչ պրոֆեսիոնալ լուսանկարների և ավելորդ անձնական արտահայտությունների տեղադրումը:

6. Սիրախաղ – Կան մարդիկ, որոնք կարծում են, որ սիրախաղն իրավունք ունի գոյություն ունենալ գրասենյակում: Սակայն ղեկավարների գրեթե կեսը հայտարարել է, որ այդ պահվածքը խաթարում է պրոֆեսիոնալ հեղինակությունը` անկախ նրանից, թե տղամարդը կամ կինն է իրեն այդպես պահում: Սիրախաղը նուրբ ակնարկ է երկու մարդու միջև սեռական հարաբերությունների անգամ ամենափոքր հնարավորության առաջացման, ինչը հեշտությամբ կարող է սխալ հասկացվել:

7. Քորվել – Դա ոչ միայն վանող, այլև շեղող երևույթ է: Հարցում անցկացրած հետազոտողները պարզել են, որ փութկոտ պահվածքը սկզբունքորեն թուլացնում է «ղեկավարի հմայքը»: Եթե մարդը գործնական հանդիպման ժամանակ մշտապես ուղղում է հագուստը կամ ձեռքում պտտեցնում է բջջային հեռախոսը, ապա սկսում է թվալ, որ նրան շփոթեցնում է ինչ-որ բան կամ էլ նա բավականաչափ ուշադիր չէ:

8. Տեսողական շփումից խուսափում – Միմիկայի ու ժեստերի մասնագետները պնդում են, որ աչքերին նայելուց խուսափելը տպավորություն է ստեղծում, որ մարդը ստում է կամ էլ թաքցնելու բան ունի: Գործնական հանդիպման ժամանակ այդպիսի պահվածքը հանգեցնում է ձեր շահագրգռված չլինելու մասին մտքին: Միևնույն ժամանակ, եթե նայում ես մարդու աչքերին, ապա նրանք զգում են, որ իրենց լսում են:

9. Անհեթեթությունների մասին խոսակցություններ – Եթե մարդը չի կարողանում կարճ և կապակցված շարադրել իր մտքերը, ապա շրջապատին սկսում է թվալ, որ նա չի վերահսկում իրավիճակը: Դրանով թուլանում է նաև այն մտքերի ուժն ու ազդեցությունը, որոնց նա փորձում է արտաբերել: Bank of America-ի նախկին ղեկավար Սալլի Կրոուչեկը CTI-ի նախագահին խոստովանել է, որ սովորաբար կանանց համար դժվար է լինում ժամանակին լռելը. «Անհրաժեշտ է հասկանալ, թե ինչ ուժ ունի լռությունը: Չէ՞ որ կանայք սիրում են դադարները լցնել շաղակրատանքով: Սակայն կարևոր մտքերի շուրջ ազատ տիրույթ թողնելով` մարդը դրանով իսկ կշիռ ու հաստատունություն կհաղորդի նրան, ինչ ցանկանում է ասել»:

10. Բավական հաճախ քմծիծաղել և ճղճղալ – Ղեկավարները բավական հաճախ քմծիծաղը կամ ծիծաղը անվանում են կանանց հիմնական հաղորդակցային սխալը, իսկ տղամարդկանց համար հիմնական խնդիրը ճղճղան ձայնն է: Համապատասխան իրավիճակներում ծիծաղն ու ձայնի ճիշտ տոնը ղեկավարի մեծալրջության կարևորագույն ցուցիչներն են: Հետազոտողները հայտարարել են, որ կտրուկ ճղճղան ձայնն ընկալվում է որպես ավելորդ զգացականություն, և մարդիկ դրա հետևանքով պարզապես դադարում են լսել:

Ամբողջական հոդվածը կարող եք կարդալ այս հասցեով՝ http://168.am/2013/05/26/229773.html#.UaHDixK3MMM.facebook
© 168 Ժամ առցանց լրատվական կայք

Written by vishap

Մայիսի 26, 2013 at 11:19

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out / Փոխել )

Twitter picture

You are commenting using your Twitter account. Log Out / Փոխել )

Facebook photo

You are commenting using your Facebook account. Log Out / Փոխել )

Google+ photo

You are commenting using your Google+ account. Log Out / Փոխել )

Connecting to %s

%d bloggers like this: